Në KQZ votohet rekomandimi për çregjistrimin e dy partive politike

Yll Buleshkaj nga Zyra për Regjistrimin e Partive Politike ka thënë se nga data 31 mars ka shënuar afatin për dorëzimin e raporteve financiare për shpenzimet në fushatë dhe afatin për dorëzimin e formularit për vazhdimin e regjistrimit të partisë politike.

Ai ka thënë se nga 28 subjekte politike, 27 e kanë dërguar raportin, ndërkaq një subjekt politik nuk e ka bërë këtë.

“Për shkak të kësaj mungese ashtu siç e parasheh ligji për këtë arsye ky subjekt është gjobitur 1000 euro dhe i caktohet masë prej 0.01% gjobë të pagës bazë për secilën ditë të vonesës. Rekomandojmë KQZ-së të shqiptojë këto gjoba. Nga 46 parti për sjelljen e formularit për vazhdimin e regjistrimit të partisë politike kanë dështuar dy që ta sjellin formularin, dy që kanë dështuar janë Partia Demokratike e Diasporës dhe alternativa demokratike e Kosovës. I rekomandojmë KQZ-së që të çregjistrojë këto dy parti”, ka thënë ai.