Arbëri

Masat anti-Covid mund të vazhdojnë edhe pas 18 prillit

Masat anti-Covid mund të vazhdojnë edhe pas 18 prillit
 

Qeveria e Kosovës ka thënë se situata epidemiologjike do të përcaktojë nëse edhe pas 18 prillit duhet vazhduar me masat që janë vendosur këtë fillimjavë apo të vendoset për lehtësimin e tyre. Ekzekutivi nuk përjashton mundësinë edhe të ashpërsimit, nëse masat e tashme nuk japin efektet e duhura në uljen e numrit të të infektuarve dhe viktimave nga COVID-19

Një ditë para hyrjes në fuqi të masave të ashpërsuara nga Qeveria është paralajmëruar se ato mund të vazhdojnë edhe pas 18 prillit. Qeveria e Kosovës përmes një njoftimi për media, ku ka elaboruar disa prej masave, gjithashtu ka bërë të ditur se bazuar në vlerësimet e situatës epidemiologjike nuk përjashtohet mundësia e zgjatjes së afateve të masave.

Sipas ekzekutivit, varësisht nga situata epidemiologjike dhe efektit të këtyre masave mund të merren masa të reja të cilat mund të jenë më të ashpra apo më të lehta se masat e përcaktuara në këtë vendim.