KQZ-ja miraton ndalesën e gjobave për partitë e mëdha, më së shumtë ka PDK-ja
Komisioni Qendror i Zgjedhjeve ka miratuar ndalesën e gjobave të parapaguara për 4 subjektet politik të cilat përfitojnë fonde nga Fondi për Mbështetjen e Subjekteve Politike për vitin 2021, gjoba të shqiptuara nga Paneli Zgjedhor për Parashtresa dhe Ankesa për zgjedhjet e 14 shkurtit.
Sipas vendimit, ndalesa e gjobave do të bëhet në dy këste.
Lëvizjes Vetëvendosje do t’i ndalohet shuma prej 40.700 euro. PDK-së shuma prej 66.100 eurove. LDK-së shuma prej 20.600 eurove dhe AAK-së 52.750 eurove.
KQZ-ja ka thënë se mjetet e ndaluara nga Fondi për Mbështetjen e Subjekteve Politike do të transferohen në xhirollogarinë e PZAP-së.
