Lëvizja Vetëvendosje thotë se në zgjedhjet e 14 shkurtit ka marrë 438 mijë e 334, apo 50 për qind të votave.
VV-ja përmes një postimi në facebook ka falënderuar votuesit në Kosovë dhe ata nga diaspora për votat që i kanë dhënë subjektit të tyre politik.
“Falënderojmë qytetarët e Republikës së Kosovës brenda dhe jashtë vendit për mbështetjen e jashtëzakonshme! Falënderojmë Vullnetarët për punën e madhe. Aktivistët për përpjekjet dhe angazhimin e palëkundur, dhe vëzhguesit e komisionerët, veçanërisht atyre që kanë vijuar punën edhe pas ditës së zgjedhjeve në Qendrën e numërimit. Së bashku krejt dhe drejt!”, thuhet në reagimin e VV-së.
Komisioni Qendror i Zgjedhjeve pritet që pas pak t’i shpallë rezultatet përfundimtare.
Pas kësaj, subjektet politike apo edhe kandidatët do të kenë disa ditë mundësi ankese për ndonjë parregullsi të mundshme, në PZAP.
-
4 mars 2021 11:02
-
Shpërndaje në: