Hoti premton pagesë shtesë për zyrtarët e Shërbimit Korrektues, pezullohet protesta
Foto: Driton Paqarada/KOHA
13:04
Hoti premton pagesë shtesë për zyrtarët e Shërbimit Korrektues, pezullohet protesta
Përfaqësuesit e Sindikatës së Pavarur të Shërbimit Korrektues të Kosovës pas takimit me kryeministrin në detyrë, Avdullah Hotin, pezulluan protestën të cilan e nisën me kërkesa për pagesë shtesë.
Frashër Racaj, zv.kryetar i Sindikatës së Shërbyesve Korrektues, tha se Qeveria u premtoi në realizimin e kërkesave të tyre dhe se shtesat do t’u jepen gjatë muajit mars.
12:58
Hoti fton në takim përfaqësuesit e Sindikatës së Shërbimit Korrektues
Përfaqësuesit e Sindikatës së Shërbimit Korrektues të Kosovës, pas protestës që kanë mbajtur para objektit të Qeverisë, janë pritur në takim nga kryeministri në detyrë, Avdullah Hoti, raporton Ekonomia Online.
Sindikalistët kanë protestuar duke shprehur pakënaqësinë e tyre për mospërfshirjen në pagat shtesë në kuadër të ligjin mbi pandeminë Covid-19.
Ata kanë paralajmëruar protesta edhe më ta ashpra nëse kërkesat e tyre s’realizohen.
12:15
Sindikata e Shërbimit Korrektues proteston para Qeverisë për mospërfshirje në pagat shtesë
Pjesëtarë të Sindikatës së pavarur të Shërbimit Korrektues të Kosovës, kanë protestuar të hënën para objektit të Qeverisë së Kosovës, për mospërfshirje në pagat shtesë në kuadër të ligjit mbi pandeminë Covid-19, raporton Ekonomia Online.
Sadat Murturi nga Sindikata e Burgut Korrektues tha që kjo është e padrejtë dhe se ndihen të diskriminuar.
“Nuk kemi dalë prej qefit, e as për 100 euro, po jemi dalë se jemi diskriminuar si sindikatë”, tha Murturi nga kjo sindikatë./EO
