Dy partitë opozitare në Shqipëri nënshkruajnë marrëveshje për koalicion parazgjedhor
Foto: topchannel
Partia Demokratike në Shqipëri dhe Lëvizja Socialiste për Integrim sot kanë firmosur marrëveshjen e koalicionit për zgjedhjet e 25 prillit, me sloganin ‘’Shqipëria, shtëpia që fiton’’.
Marrëveshja është firmosur nga kreu i Partisë Demokratike, Lulzim Basha dhe kryetares së Lëvizjes Socialiste për Integrim, Monika Kryemadhi, ku do të konkurrojnë në zgjedhje me dy lista (PD-AN + LSI).
Në marrëveshjen mes dy partive politike janë parashikuar 13 pika, ku kryesorja është nxjerrja e vendit nga kriza shumë e rëndë ekonomike e shkaktuar, sipas tyre, nga qeverisja klienteliste dhe bashkëpunëtore e oligarkisë dhe e krimit.
Një pikë tjetër e marrëveshjes është përmbushja e të gjitha kushteve për hapjen e negociatave për anëtarësim në Bashkimin Evropian.
Sipas marrëveshjes, përfaqësimi në të gjithë nivelet e qeverisjes së ardhshme do të realizohet proporcionalisht mbi bazën e rezultatit zgjedhor./tpch/
