1 perditesime
Arbëri

Hoti te varri i Rugovës: Pavarësia e Kosovës, projekti më i madh nga pavarësia e Shqipërisë e këndej

Hoti te varri i Rugovës: Pavarësia e Kosovës, projekti më i madh nga pavarësia e Shqipërisë e këndej
Foto: Alban Bujari / KOHA
09:38

Hoti te varri i Rugovës: Pavarësia e Kosovës, projekti më i madh nga pavarësia e Shqipërisë e këndej

Ati themeltar i Republikës së Kosovës është quajtur ish-presidenti Ibrahim Rugova nga kryeministri në detyrë Avdullah Hoti.

Në 13-vjetori e Pavarësisë së Kosovës, Hoti në homazhe te varri i Rugovës ka thënë se “Pavarësia e Kosovës është projekti më i madh 30 vjeçar, nga shpallja e pavarësisë së Shqipërisë e këndej”.

“Qytetarët e Kosovës do t’i jenë përherë mirënjohës Presidentit Rugova dhe atyre që kanë rënë për Pavarësinë e vendit”, ka shkruar ai në Facebook.

08:40

Kurti e Osmani bëjnë homazhe te varri i Rugovës: Nderojmë figurat historike

Image

Kryetari i Lëvizjes Vetëvendosje, Albin Kurti, dhe ushtruesja e detyrës së presidentes, Vjosa Osmani, kanë bërë homazhe te varri i ish-presidentit Ibrahim Rugova në 13-vjetorin e pavarësisë së shtetit të Kosovës.

Të dy janë shprehur se në këtë ditë nderojnë figurat historike të shtetit të Kosovës.

“E nderuam arkitektin e pavarësisë së Kosovës. Njeriun që sublimoi dhe unifikoi kërkesat e qytetarëve të Kosovës për liri, pavarësi e sovranitet. Njeriun i cili hapi dyert e botës në mënyrë që zëri ynë të dëgjohet e kumbojë kudo”, ka thënë me këtë rast Osmani.

Në anën tjetër, Kurti, që në zgjedhjet e 14 shkurtit fitoi bindshëm, ka thënë se shpreson e beson që viti i ardhshëm të gjejë Kosovën me drejtësi, demokratizim e zhvillim.

“Sot kujtojmë personalitetet politike kombëtare, historike, që kontribuan në faza e mënyra të ndryshme. Vendosëm lule të freskëta te presidenti i parë i Republikës së parë të Kosovës, Ibrahim Rugova që ishte edhe presidenti i parë i Kosovës së çliruar. Në veçanti falënderojmë të gjithë qytetarët që kanë kontribuar për këtë ditë kaq të rëndësishme”, ka thënë ai.