11 nga 35 të arrestuarit në Karaçevë ishin hetuar edhe më herët për kontrabandë

Aksioni në Karaçevë, që është konsideruar më i “suksesshmi i kësaj natyre” në Kosovë, ka të arrestuar persona të dyshuar, të cilët në vazhdimësi janë marrë me kontrabandë.

Me më pak zhurmë, por me vepra të njëjta, një pjesë e madhe e personave të ndaluar ishin arrestuar edhe më herët nga institucionet e drejtësisë.

Shumica e personave civilë që janë arrestuar të premten e kaluar kanë histori kriminale.

KOHA ka mësuar nga burime të afërta me këto zhvillime emrat e të gjithë personave jozyrtarë, të cilët janë arrestuar edhe më herët për kontrabandë në këtë pjesë. Deri tani hetuesia ka arritur të sigurojë ekzistencën e dosjeve kriminale për 11 qytetarë të arrestuar.

Pesë nga ta, sipas të dhënave që ka KOHA, kanë të njëjtin mbiemër, të gjithë nga fshati Muçiverc i Komunës së Kamenicës. Me të njëjtin mbiemër e nga i njëjti fshat janë dy nga policët e arrestuar. Më i riu nga të arrestuarit e që ka histori kriminale, siç thuhet në dokumente, është një 23-vjeçar.

Edhe Video 24 sht 2020 11 nga 35 të arrestuarit në Karaçevë ishin hetuar edhe më herët për kontrabandë

Dy të arrestuar në këtë aksion janë nga fshati Mramor i Prishtinës. Njëri 70-vjeçar e tjetri 45 kanë po ashtu histori të mëhershme kriminale e që lidhet me veprën penale të kontrabandës. Nga Komuna e Kamenicës janë edhe 4 të arrestuarit e tjerë me dosje penale.

Në Prokurorinë e Gjilanit nuk u janë përgjigjur pyetjeve të KOHËS.

Burimet e televizionit kanë thënë se ka edhe zyrtarë policorë që janë arrestuar javën e kaluar e që për të njëjtat vepra janë hetuar edhe më herët. Njëri nga ta ishte arrestuar, por lënda në procedurë, siç kanë thënë burimet, i ishte parashkruar.

As Policia e as Inspektorati Policor nuk u janë përgjigjur pyetjeve të KOHËS.

Megjithatë në fundjavë edhe prokurorja e rastit në kërkesën për caktimin e paraburgimit e pati përmendur faktin se aksioni i Karaçevës ka recidivistë të arrestuar.

Edhe Kronikë 23 sht 2020 Edhe dy të arrestuar në rastin “Karaçeva”

Organizimi i skemave piramidale dhe bixhozit të paligjshëm nuk ishte vepra e vetme të cilën dyshohet ta ketë kryer grupi i të arrestuarve të premten në Karaçevë të Kamenicës. Shumë prej të arrestuarve dyshohen edhe për kontrabandë me mallra nga Serbia, kryesisht kafshë. Në mesin e tyre edhe kafshë të sëmura.

Policia e Kosovës të premten e kaluar arrestoi 35 persona në këtë fshat, në zonën kufitare me Serbinë. Në mesin e tyre ishin 12 policë.