Lëvizja Studentore “Studim, Kritikë, Veprim” ka mbajtur sot një aksion simbolik para objektit të ministrisë së Shëndetësisë, duke e rrethuar atë me shirita ku shkruante “Rrezik”.
Aksioni është ndërmarrë për shkak të rasteve të shumta të të vdekurve si pasojë e COVID-19 dhe të prekurve. E gjithë kjo, sipas kësaj lëvizjeje, ka ardhur për shkak të menaxhimit të keq.
“Aktiviteti i sotëm nuk ka nevojë për shumë shpjegim. Neglizhenca e saj po del të jetë me pasja vdekjeprurëse”, kanë thënë studenti i Fakultetit të Mjekësisë, Behar Jashari në emër të SKV-së. “Sot kur po flasim kemi mbi 12 mijë raste pozitive me Covid-19 dhe numri i vdekjeve ka arritur shifrën në 488”.
Sipas drejtuesve të kësaj lëvizjeje, pandemia është menaxhuar në mënyrë katastrofale nga Ministria e Shëndetësisë si dhe nuk është vlerësuar puna e studentëve dhe e mjekëve vullnetarë.