Mjeku i njohur Pëllumb Pipero ka deklaruar se duhet të kufizohen edhe lëvizjet e personave që shkojnë nga Kosova për të kaluar disa ditë pushimi në bregdetin shqiptar.
Për mjekun Pipero, kufizimet nuk janë të nevojshme për sa kohë që njerëzit ndërgjegjësohen dhe zbatojnë rregullat e thjeshta të vendosjes së maskës, distancimit dhe higjienës.
Ai ka theksuar se ata që kanë shenjat të virusit nuk duhet të nisen drejt Shqipërisë.
“E gjithë bota është në një varkë të madhe. Të gjithë na ka në dorë maska kudo që jemi. Të gjithë kanë të njëjtat rregulla. Nëse i respektojmë këto masa nuk duhet të kemi frikë që bashkëkombasit tanë të vijnë këtu. Por duhet t’i këshillojmë që nëse kanë shenja të mos nisen. Të tjerët mos i kufizojmë pasi përfitojnë shumë nga deti dhe dielli”, tha Pipero për A2CNN.
Ndërkohë, COVID-19 vijon të përhapet gjerësisht në Shqipëri.
Ministria e Shëndetësisë bëri me dije ditën e djeshme se së fundmi në Shqipëri janë konfirmuar 127 persona të infektuar dhe 6 pacientë kanë humbur jetën.
-
Mjeku nga Shqipëria këshillon operatorët turistikë të pyesin pushuesit për shenja klinike të COVID-19
-
Qeveria thotë se fluksi i qytetarëve për në Shqipëri s’ka lidhje me masat
-
Në Morinë fluks i madh i veturave që shkojnë nga Kosova në Shqipëri
-
SHBA-ja fut Kosovën në listën e vendeve më të rrezikshme për COVID-19
-
Udhëtarët nga Kosova mbesin në Aeroportin e Romës si pasojë e masave të reja