Arbëri

Qeveri e dialogut “të shpejtë”

Qeveri e dialogut “të shpejtë”
Foto: Driton Paçarada / Koha

Nënshkrimi i marrëveshjes finale Kosovë-Serbi në “Kopshtin e trëndafilave” në Washington, duke iu bashkëngjitur presidenti Thaçi, është misioni që i përshkruhet Qeverisë së re dhe kryeministrit Hoti, që nuk ka një bazë të fuqishme në numra.

Letra e presidentit amerikan Donald Trump, dërguar presidentit të Kosovës, Hashim Thaçi, dhe atij serb, Aleksandër Vuçiq, në fund të vitit 2018, sipas njohësve do të tentohet të jetësohet para zgjedhjeve presidenciale në SHBA. Trumpi i kishte shkruar Vuçiqit dhe Thaçit se do t’i mirëpresë në Shtëpinë e Bardhë në rast të arritjes së marrëveshjes, shkruan KOHA.