Arbëri

Mushkolaj konteston kushtetutshmërinë e zgjedhjes së Qeverisë Hoti

Gjyljeta Mushkolaj, ish-gjyqtare e Gjykatës Kushtetuese, ka kontestuar kushtetutshmërinë e zgjedhjes së Qeverisë Hoti. Sipas saj, Qeveria Hoti ka marrë edhe vota nga deputet që nuk është dashur të jenë fare në sallë.

Deputeti Etem Arifi, që është i dënuar për më shumë se një vit burgim për një vepër penale, ishte një nga 61 deputetët që i dhanë votën pro e që me minimum votash ia siguruan Hotit postin e kryeministrit. Duke u bazuar në nenin 70 të Kushtetutës që thotë se mandati i deputetit përfundon ose bëhet i pavlefshëm nëse ai dënohet me vendim të formës së prerë prej një apo më shumë vjetësh, Mushkolaj ka thënë se Arifi nga Partia e Ashkalinjëve për Integrim nuk është dashur të ishte në sallë kur është votuar Qeveria Hoti.