Pesëmbëdhjetë pacientë janë shëruar të martën nga COVID – 19, ka njoftuar Instituti Kombëtar i Shëndetësisë Publike të Kosovës.
Ndërkohë të martën është konfirmuar vetëm një rast i ri. Bëhet fjalë për një rast në qytetin e Rahovecit.
Gjithsej janë testuar 211 mostra, është bërë e ditur nga Instituti.
Numri i të shëruarve ka arritur në 769, ndërsa numri i të infektuarve në 989. Në Kosovë deri më tani janë shënuar 29 raste të vdekjes nga komplikimet e shkaktuara nga koronavirusi, të personave që kanë pasur edhe sëmundje tjera shoqëruese.
