Arbëri

Pacolli ironizon, BE-ja ia kujton se Bjellorusia mori vetëm lehtësim të vizave e jo liberalizim

Pacolli ironizon, BE-ja ia kujton se Bjellorusia mori vetëm lehtësim të vizave e jo liberalizim
 

Ish-ministri i Jashtëm i Kosovës, Behgjet Pacolli, ka ironizuar me vendimin e Evropës që të lehtësojë lëshimin e vizave për Bjellorusinë, duke kërkuar reagim nga përfaqësuesja e Bashkimit Evropian në Kosovë dhe ambasadorit të Gjermanisë, se pse Kosovën e kanë lënë vendin e vetëm të izoluar në Evropë. Reagimit i janë përgjigjur shpejt të apostrofuarit nga kreu i AKR-së.

Të mërkurën Parlamenti Evropian votoi pro lehtësimit të procedurave të qarkullimit për bjellorusët drejt BE-së. Marrëveshja për liberalizim të vizave ishte aprovuar me 634 vota pro, ndërsa 48 ishin kundër. Katër ishin abstenime. Nën marrëveshjen e re, pagesa e vizës për bjellorusët dhe shtetasit e Bashkimit Evropian që udhëtojnë në territore të tjera për 90 deri në 180 ditë, do të reduktohet në 35 euro. Afati kohor i konsullatave për të shqyrtuar aplikimet do të reduktohet në dhjetë ditë.