Ambasada e Kosovës në Suedi ka njoftuar se të martën 150 shtetas kosovarë nga Suedia, Finlanda dhe Norvegjia do të udhëtojnë për Prishtinë.

Siç njoftohet nga ambasada, shumica dërmuese e këtyre udhëtarëve janë të moshuar dhe persona me probleme shëndetësore.

“Udhëtaret që vijnë me transport tokësor nga Suedia dhe Norvegjia drejt aeroportit Arlanda, duhet të vijnë në Terminalin 5, ku do t'i pret personeli i ambasadës. Udhëtaret që vijnë me Finnair nga Finlanda, do të drejtohen nga stafi i aeroportit”, thuhet në njoftim.

Ata thonë se edhe nëse ka persona të cilëve iu ka skaduar viza, ambasada ka njoftuar Policinë të Finlandës dhe Suedisë.

Deri tash të gjithë të kthyerit nga jashtë janë vendosur në karantinë në Qendrën e Studentëve.

Në një deklaratë për Kosovapress, drejtori i kësaj qendre, Fatmir Sfishta, ka thënë se deri tani aty janë të vendosur 165 persona të dyshuar me covid-19.

Ai ka shtuar se dje janë liruar 70 persona të cilët kanë qëndruar aty 14 ditë.