Arbëri

Ministria e Bujqësisë ua paguan borxhin bujqve, mbi 4.7 milionë euro

Foto: Ministria e Bujqësisë / komunikatë

Ministria e Bujqësisë, Pylltarisë dhe Zhvillimit Rural përmes një komunikate për media bën të ditur se u ka paguar bujqve borxhin prej mbi 4.7 milionë euro.

“Gjatë këtyre dy javëve MPBZH ka paguar 4.747.508,44 euro borxhe ndaj 1.978 bujqve, të trashëguara nga vitet 2018 dhe 2019”, thuhet në komunikatë, transmeton KOHA.

Tutje thuhet se gjatë javës 23-27 mars janë realizuar pagesat për 276 fermerë në vlerë prej 2.018.621,49 euro. Kurse më 16-20 mars janë realizuar pagesat për 1.702 fermerë në vlerë prej 2.455.886,95 euro.

Ky likuiditet shtesë për bujqit do të ndihmojë në tejkalimin më të lehtë nga ta të gjendjes emergjente aktuale.