Arbëri

Franca dhe Gjermania, demarsh LDK-së për të hequr dorë nga mocioni i mosbesimit

Foto: Alban Bujari / Koha

Ambasadorët e Francës dhe të Gjermanisë, me demarsh të përbashkët, kanë kërkuar nga LDK-ja që të heqë dorë nga kërkesa për mocion mosbesimi ndaj qeverisë Kurti.

Përmes një postimi në Twitterin e Ambasadorit gjerman në Kosovë, Christian Heldt, thuhet se me këtë, dy kryeqytetet shfaqin brengën e tyre me situatën e krijuar së fundmi.

Kërkesa i është drejtuar zëvendëskryeministrit Avdullah Hoti, në mënyrë që i njëjti t’i drejtohet kreut të LDK-së, Isa Mustafës, me kërkesën për të hequr dorë nga mocioni i mosbesimit.

“Qëndroni në anën e popullit të Kosovës në këtë krizë. Ftoni LDK-në të rishqyrtojë votën e mosbesimit dhe të mbajnë një qeveri të besueshme dhe të qëndrueshme për t’u përballur me sfidat”, thuhet në demarshin e përbashkët të Francës dhe të Gjermanisë drejtuar LDK-së.