Shkarkimi i Bordit të Infrakosit, në rend dite të mbledhjes së Qeverisë Foto: Koha / Ilustrim

Mbledhja e Qeverisë shtyhet për nesër, jo për shkak të taksës

27 February 2020 14:20
15:19

Mbledhja e Qeverisë së Kosovës e paraparë për sot në orën 16:00 është shtyrë për nesër.

KOHA mëson nga burime brenda qeverisë se mbledhja është shtyrë për shkak të moskompletimit të tërësishëm të materialit të nevojshëm.

Shtyrja e kësaj mbledhjeje, nuk është bërë për shkak të taksës, ashtu siç u raportua në disa media.

Qeveria e Kosovës përmes një njoftimi thotë se mbledhja do të mbahet nesër më 28 shkurt në orën 12:00

14:20

Shkarkimi i Bordit të Infrakosit, në rend dite të mbledhjes së Qeverisë

Shkarkimi i Bordit të Drejtorëve të Infrakosit pritet të jetë pikë e rendit të ditës, në mbledhjen e radhës së Qeverisë së Kosovës.

Grupi Koha e ka parë këtë rend dite. Në të parashihen pesë pika.

E pikë e saj është edhe shqyrtimi i propozimit për shkarkim të Bordit të kësaj ndërmarrjeje publike që menaxhon hekurudhat.

“Koha Ditore” ka raportuar për një kohë të gjatë për parregullsitë në këtë ndërmarrje.

Më 2011-tën, kjo ndërmarrje i kishte paguar rreth 300 mijë euro për një pajisje jofunksionale. Fjala ishte për një vagon special për matje binarësh. Kjo pajisje duhej të ishte e re, por dokumentet tregojnë se doli të jetë vagon i vjetër, i ngjyrosur.

Në një rast tjetër, kjo ndërmarrje i kishte humbur katër milion euro prej një kontrate.

Në rendin e ditës në mbledhjen e Qeverisë, është edhe shqyrtimi i propozimit të vendimit për ndarjen e mjeteve financiare si mbështetje për Republikën e Shqipërisë, për qëllim të ndihmës në sanimin e dëmeve pas tërmetit, raporton Koha.

© KOHA. Të gjitha të drejtat janë të rezervuara.

Komentet

Shto koment

Të ngjashme