Asamblisti i LDK-së në Podujevë i bashkohet VV-së Foto: Lëvizja Vetëvendosje

Asamblisti i LDK-së në Podujevë i bashkohet VV-së

26 February 2020 09:48

Avni Fetahu i është bashkuar sot Lëvizjes Vetëvendosje.

Vetëvendosja përmes një njoftimi zyrtar, ka bashkuar edhe fotografinë e Fetahut në zyrat e kësaj partie.

“Sot, Lëvizjes VETËVENDOSJE! i është bashkuar, Avni Fetahu, asamblist në Kuvendin Komunal të Podujevës dhe Kryesues i Këshilltarëve Komunal të LDK-së në këtë komunë”, thuhet në njofitm.

Më poshtë, VV-ja ka publikuar edhe një biografi të Fetahut.

“Avniu është magjistër në drejtimin Menaxhment dhe Informatikë në Fakultetin Ekonomik të Universitetit të Prishtinës. Përvoja, dija e tij dhe profesionalizmi i Avni Fetahut do t’i shërbejë shumë Lëvizjes sonë, si në nivelin lokal po ashtu edhe në atë qendror. Avni Fetahu ka përvojë të gjatë menaxheriale duke qenë drejtor i Drejtorisë së Planifikimit dhe Zhvillimit Ekonomik si dhe drejtor i Drejtorisë së Bujqësisë në Komunën e Podujevës. Ka marrë pjesë në shumë vizita studimore dhe në konferenca ndërkombëtare. Avniu është mësimdhënës në Shkollën Ekonomike “Isa Boletini”. Është i martuar dhe prind i 5 fëmijëve”, përfundon njoftimi i VV-së.

© KOHA. Të gjitha të drejtat janë të rezervuara.

Komentet

Shto koment

Të ngjashme