Për vonesat në daljen e pensioneve, MF-ja fajëson BQK-në

Leonita Bajrami 25 February 2020 21:22

Është dita e dytë që Sherif Bytyqi e Ahmet Ahmeti po kthehen në bankë për të parë nëse kanë dalë pensionet e tyre.

Bytyqi thotë se që nga mëngjesi kanë pritur e për të kjo është maltretim, raporton KTV.

Por, sipas tij, vonesat e tilla janë të zakonshme.

Edhe për Ahmet Ahmetin këto vonesa shkaktojnë lodhje. Për këtë, fajtor ai i lë institucionet përkatëse.

Mirëpo, sipas Departamentit për Pensione në kuadër të Ministrisë së Financave, nuk ka vonesa.

Bahri Xhaferi, Drejtor i Departamentit për Pensione, ka thënë se Ministria e Financave i ka ndarë mjetet sikurse çdo muaj tjetër, por ka pasur një problem me sistemin kur janë dërguar mjetet në Bankën Qendrore të Kosovës.

© KOHA. Të gjitha të drejtat janë të rezervuara.

Komentet

Shto koment

Të ngjashme