Kryeministri Albin Kurti, propozoi që Sekretarët e përgjithshëm nga ministritë e prekura nga riorganizimi të kalojnë në listën tepricë.

Kurti tha se Ministritë e prekura nga riorganizimi janë ministria e Jashtme, e Teknologjisë, e Financave, e Punëve të Brendshme, ministria e Ekonomisë, ministra e Infrastrukturës.

Ministri i Infrastrukturës, Lumir Abdixhiku, propozoi që Sekretar i Punës dhe i Mirëqenies Sociale, Izedin Bytyqi, të ricaktohet Sekretar i Përgjithshëm në Ministrin e Infrastrukturës.

Qeveria ka miratuar propozimin e ministrit Abdixhiku për ricaktimin e Bytyqit si sekretar në Ministrinë e Infrastrukturës.

Ky vendim u votua në mbledhjen e Qeverisë. 

Qeveria do ta nisë procedurën për shkarkimin e disa sekretarëve të përhershëm

Burime të “Kohës Ditore” kanë bërë të ditur se do të inicohet procedurë për shkarkimin e disa Sekretarëve të Përhershëm të ministrive.

Kjo masë do të bëhet e ditur gjatë mbledhjes së qeverisë. Deri në vendimin e Komitetit të Ministrave, ata do të pezullohen.

Mbledhja e paraparë në orën 15:30, ka nisur me vonesë.

Për dallim prej mbledhjeve të kaluara, kësaj radhe nuk është bërë e ditur rendi i ditës, raporton KTV.

Zakonisht ai i është shpërndarë gazetarëve disa minuta para fillimit të mbledhjes.