Arbëri

Thaçi falënderon pjesëtarët e Ushtrisë së Kosovës për profesionalizmin e treguar në shumë raste

 

Presidenti i vendit, Hashim Thaçi, vizitoi kazermën e FSK-së “Adem Jashari”, për nder të 12 vjetorit të Pavarësisë së Kosovës, nga ku tha se është nder dhe privilegj që është para ushtarëve.

“Për të ardhur deri në ditën kur Kosova ta ketë Ushtrinë e vet, u desh shumë mund, luftë, përpjekje, durim e prëgatitje sistematike. Vullnet dhe unitet i brendshëm politik e qytetar, partneritet me miqtë tanë ndërkombëtarë, mbi të gjitha me SHBA-në. Një ndër të arriturat më të rëndësishme pas luftës, ishte transformimi i UÇK-së në TMK. Kjo forcë menjëherë pas shpalljes së pavarësisë, u shndërrua në FSK dhe brenda 10 vjetësh u transformua në Ushtri të Kosovës. Ushtria e Kosovës u rrit së bashku me vitet e lirisë, pavarësisë dhe zhvillimit të saj”, tha Thaçi, raporton Koha.net.