Arbëri

Wilson: Presidenti Trump po kërkon sukses të shpejtë në Ballkanin Perëndimor

Wilson: Presidenti Trump po kërkon sukses të shpejtë në Ballkanin Perëndimor

Nënkryetari i think-tank-ut amerikan “Këshilli Atlantik”, Damon Wilson në një intervistë për Zërin e Amerikës, edicioni në serbisht, ka deklaruar se në marrëdhëniet ndërmjet Prishtinës e Beogradit, asgjë nuk është e lehtë. Madje, sipas tij administrata Trump dëshiron të shoh rezultatet në politikën e jashtme dhe se Korea Veriore, Irani dhe Venezuela janë çështje problematike, derisa në Ballkanin Perëndimor dëshiron një sukses sa më parë të jetë e mundur, transmeton Koha.net.

“Nuk është i lehtë një sukses në Ballkanin Perëndimor, por në këtë pjesë po punojmë me demokraci, të cilat strategjikisht dëshirojnë të jenë pjesë e perëndimit, të cilat kanë vizion të përbashkët të rajonit si pjesë e Evropës. Kjo na jep material për punë. Duket vështirë, ama relativisht lehtë është kur i krahason me Iranin, Korenë Veriore, Venezuelën. Ndaj, për një administratë që dëshiron sukses, çështja është, nëse mundet?. Këtu mund të arrihet rezultat. Arsyeja e tretë është pragmatizmi. Fokusimi në ekonomi, tregti, njerëz. Kjo nuk është çështje ideologjie, por e pragmatizmit, mundësive për punësim. Një qasje të tillë e kemi parë edhe te ambasadori Grennell”, ka thënë Wilson.