Avokatët duan anulimin e Rregullores së re për kartelat identifikuese

Avokatët duan anulimin e Rregullores së re për kartelat identifikuese

20 January 2020 08:59

Dega regjionale e Odës së Avokatëve i ka drejtuar një letër Këshillit Gjyqësor të Kosovës, në të cilën ka kërkuar anulimin e Rregullores së re, me të cilën ndalohet përfaqësimi i avokatëve në Gjykatë, shkaku i mungesës së kartelës identifikuese.

Sipas shpjegimit, avokatët që nuk janë lejuar të hyjnë në Gjykatën Themelore janë të licencuar nga OAK.

“Sipas Ligjit për avokatinë, nenit 8 par.1, kjo dispozitë nuk parasheh asnjë kusht që avokati të pajiset me ID-Kartelë të Re”, thuhet në letrën e Degës regjionale të OAK-ut.

Më tej, në të thuhet se avokatëve mund t`u ndalohet hyrja në Gjykatë, kur nuk i kryejnë detyrimet ndaj institucionit përfaqësues të tyre.

“Lidhur me këtë problematikë, bazuar në nenin 39 par.1 nënpar 1.10 që thotë: në periudhë prej një (1) viti nuk i përmbush detyrimet financiare ndaj Odës, pra vetëm në këtë rast Avokatit do të duhej t'i ndalohet përfaqësimi në Gjykatë”, thuhet në letër.

© KOHA. Të gjitha të drejtat janë të rezervuara.

Komentet

Shto koment

Të ngjashme