VV-ja e LDK-ja pa marrëveshje dhe pa paralajmërim për takimin e radhës

Pas tri ditë takimesh, Vetëvendosje dhe LDK nuk kanë arritur të merren vesh për bashkëqeverisje.

Megjithëse në takimin e djeshëm, të dy subjektet shfaqën shenja optimiste, kjo gjë nuk ndodhi.

Albin Kurti është larguar nga ndërtesa e Kuvendit të Kosovës pa bërë asnjë deklaratë për media. Teksa LDK-ja e ka zgjedhur heshtjen ndaj takimit të sotëm.

Asnjë takim i ri nuk është caktuar, ndërkohë që nuk dihet se cili do të jetë epilogu i përpjekjes treditore.

Pas gati dy orësh, ka përfunduar takimi mes liderit të Lëvizjes Vetëvendosje, Albin Kurti dhe atij të Lidhjes Demokratike të Kosovës, Isa Mustafa.

Këtë e ka konfirmuar për Koha.net, zyrtari për media i VV-së, Arlind Manxhuka.

Ndërkohë që ende nuk dihet nëse të dyja partitë kanë arritur marrëveshje për koalicionin bashkqeverisës.

Ka mbërritur në Kuvendin e Kosovës edhe kryetari i Vetëvendosjes Albin Kurti.

Kurti e Mustafa gjenden brenda ambienteve të Kuvendit të Kosovës, derisa takimi mes tyre pritet të nisë pas pak.

Kryetari i Lëvizjes Vetëvendosje Albin Kurti është nisur drejt Kuvendit të Kosovës prej selisë së partisë.

“Ka përpjekje për një marrëveshje”, ka thënë shkurt për media.

Ai tutje ka thënë se “po shkojmë të arrijmë marrëveshje por nuk varet nga unë”, raporton KTV.

Kreu i LDK-së Isa Mustafa, bashkë me Vjosa Osmanin e Agim Veliun kanë mbërritur në Kuvendin e Kosovës.

Mustafa shkurt para mediave ka thënë se “Po mundohemi me arritë marrëveshjen”, raporton KTV.

Derisa kreu i VV-së Albin Kurti ende nuk është parë i pranishëm.

© KOHA. Të gjitha të drejtat janë të rezervuara.