Haradinaj uron për Krishtlindje: Paqe nën kulmin e secilit prej jush

Kryeministri në detyrë i Kosovës, Ramush Haradinaj, ka uruar besimtarët që festojnë Krishtlindjet.

“Në prag të Festës së Krishtlindjes, ua përcjellë urimet më të përzemërta të gjithë shqiptarëve katolikë, besimtarëve të krishterë si dhe miqve ndërkombëtarë që shërbejnë në vendin tonë. Si popull i një trungu, ne, për mijëra vjet kemi festuar së bashku, duke i dhënë kuptim thelbit të Festës, lajmin e mirë, shpresën, faljen, dashurinë dhe harmoninë ndërmjet njerëzve”, uron Haradinaj në facebook.