Ministrja gjermane e Mbrojtjes, nga Kosova paralajmëron për ndikimin rus e kinez në Ballkan Foto: DPA

Ministrja gjermane e Mbrojtjes, nga Kosova paralajmëron për ndikimin rus e kinez në Ballkan

02 December 2019 18:59

Ministrja gjermane e Mbrojtjes, Annegret Kramp-Karrenbauer, të dielën, gjatë vizitës që i bëri Kosovës, paralajmëroi për rritjen e ndikimit të Rusisë dhe të Kinës në Ballkanin Perëndimor.

Kramp-Karrenbauer takoi homologun e saj Damir Kërstiçeviq në Kroaci të dielën dhe më pas udhëtoi për në Kosovë për të vizituar trupat gjermane të KFOR-it.

“E dimë se i tërë rajoni vlerësohet me interes të veçantë nga Kina, por edhe nga Rusia”, ka thënë Kramp-Karrenbauer në Prishtinë në bazën e KFOR-it, raporton DW në gjuhën angleze, transmeton Koha.net.

DW shkruan se edhe format e ndikimit, siç janë ato të njohurat nga Shtetet Baltike, po vihen re. Rusia, gjithnjë sipas DW-së, është po aq kritike për lidhjet e Baltikut me Perëndimin, sa është edhe për orientimin e mëparshëm të Kosovës drejt BE-së dhe NATO-s.

Kramp-Karrenbauer tha se KFOR-i nuk po kontribuon vetëm në zgjidhjen e konfliktit bazik në rajon, por edhe për t’ia mundësuar Kosovës të vendos të ardhmen e saj politike.

“Kjo korrespondon me mirëkuptimin tonë dhe me vlerat tona të sovranitetit politik të shteteve”, tha Kramp-Karrenbauer,

© KOHA

Komentet

studenti03/12/2019 14:35

Nëse kjo shëmtirë është në alarm për ndikimin ruso-kinez, të cilët dihet që duan të investojnë në vendet e Ballkanit, atëherë pse nuk investojnë vetë dhe ta largojnë ndikimin ruso-kinez? Këta kanë shumë fjalë dhe mashtrime, kurse Lindja i futet punes pa vonesë.

Shto koment

Të ngjashme