13:19

Qeveria e Kosovës ndan 500 mijë euro për ta ndihmuar Shqipërinë

Qeveria në detyrë e Kosovës ka ndarë 500 mijë për të ndihmuar Shqipërinë.

Ky vendim është marrë në një mbledhje të jashtëzakonshme të qeverisë, të thirrur nga kryeministri në detyrë Ramush Haradinaj, ku po diskutohet për situatën e krijuar në Shqipëri, raporton KTV.

Përveç kontigjentit të FSK-së dhe Policisë që është dërguar në Shqipëri kryeministri ne detyrë Ramush Haradinaj ka thënë se ka urdhëruar të që dërgohen edhe ekipet e zjarrfikësve, ekipet e shpëtimit dhe kompanitë e kontraktuara nga Ministria e Infrastrukturës për të ndihmuar.

12:40

Paralajmërohet se Qeveria e Kosovës do t’i ndajë 500 mijë euro për Shqipërinë

Lulzim Rafuna, këshilltar i Ministrit të Financave Bedri Hamzës, ka thënë se Qeveria e Kosovës do t’i ndajë sot 500 mijë euro për t’i dalë në ndihmë Shqipërisë.

“Sot në mbledhjen e Qeverisë që do të mbahet do të merret vendimi që t’i ndajmë 500 mijë euro për t’i dalë në ndihmë Shqipërisë”, ka thënë Rafuna për “Epoka e re”.

Image