Arbëri

Pacolli kërcënon ambasadorët

 

Ambasadorët e Kosovës kanë pranuar të hënën një kërcënim nga ministri në detyrë, Behgjet Pacolli. Nëpërmjet një shkrese adresuar atyre, do të konsiderohet “shkelje e detyrës zyrtare” në rast se ata zbatojnë një udhëzim të Drejtorisë së Përgjithshme të Ministrisë së Punëve të Jashtme, sipas të cilit misionet diplomatike duhet të mos i pranojnë rekrutët politikë të deleguar jashtëligjshëm nga Pacolli.

Në numrin e së shtunës “Koha Ditore” ka publikuar përmbajtjen e letrës së kësaj drejtorie, shkruan sot Koha Ditore. Mbështetur në shkresë, të gjithë të deleguarit e fundit në misione diplomatike që nuk posedojnë gradë diplomatike “nuk mund të akreditohen si diplomatë të Republikës së Kosovës në vendin pritës” dhe se “të njëjtit nuk mund dhe nuk duhet të futen në obligime shtetërore si staf teknik”.