Arbëri

Kryeministri, partisë me më së shumti vota

Foto: Alban Bujari/ Koha Ditore
 

Çështja e kryeministrit të ardhshëm nuk ka nevojë të negociohet, kanë thënë të hënën burime në Lidhjen Demokratike (LDK). E kanë bërë të qartë këtë vetëm një ditë pasi Lutfi Haziri, i cili i prin ekipit të kësaj partie në negociatat për marrëveshjen e koalicionit me Lëvizjen Vetëvendosje (LVV), ka nxitur reagime me deklarimin se emri i të parit të Qeverisë kalon nëpër zyrën e LDK-së.

Një nga anëtarët e ekipit të LDK-së që zhvillon takimet me LVV-në ka folur në kushte anonimiteti për Kohën Ditore, kur ka përmendur parimin e dakorduar prej kohësh rreth postit të kreut të Ekzekutivit.