Nick Giacobbe, emërohet zëvendësambasador i SHBA-së në Kosovë

Nick Giacobbe, emërohet zëvendësambasador i SHBA-së në Kosovë

21 October 2019 17:41

Nicholas Giacobbe, është caktuar zëvendësambasador i ri në Ambasadën e Shteteve të Bashkuara të Amerikës në Kosovë.

Promovimin e tij e ka bërë në llogarinë e vet në Twitter, ambasadori amerikan Philip Kosnett. Ai e ka quajtur diplomat të mençur dhe me eksperiencë, Giacobben.

“I kënaqur që po e prezantoj zëvendës ambasadorin e ri në ambasadën amerikane në Prishtinë, Nick Giacobbe. Nicku është diplomat i mençur dhe me eksperiencë, i cili me gruan e tij Cory, është gati ta njohë vendin dhe të kontribuojë në forcimin e lidhjeve SHBA-Kosovë”, ka shkruar Kosnett, teksa është bashkuar edhe një video ku flet Giacobbe.

Në video ai shprehet i lumtur për mundësinë që të punojë në një vend të mrekullueshëm si Kosova.

“Do të punoj shumë për të siguruar se marrëdhëniet mes Kosovës e SHBA-së mbesin të forta teksa ne vazhdojmë të punojmë për paqe, drejtësi e prosperitet për të gjithë qytetarët e Kosovës”, ka thënë ai teksa ka shtuar se pjesa më e preferuar e punës së tij do të jetë udhëtimi përreth Kosovës dhe takimi me njerëzit që ndihmojnë në zhvillimin e Kosovës.

© KOHA. Të gjitha të drejtat janë të rezervuara.

Komentet

Shto koment

Të ngjashme