12 zyrtarët e KQZ-së nuk janë infektuar, Prokuroria kërkon analiza jashtë vendit Foto: Driton Paçarada / Koha

12 zyrtarët e KQZ-së nuk janë infektuar, Prokuroria kërkon analiza jashtë vendit

Saranda Ramaj Saranda Ramaj 16 October 2019 06:39

Dymbëdhjetë zyrtarët e hospitalizuar në Klinikën Infektive në QKUK, nën dyshimet se janë helmuar nga zarfet e fletëvotimeve, do të lirohen të mërkurën nga trajtimi.

Analizat e Institutit të Shëndetit Publik kanë konstatuar që tek të gjithë pacientët nuk ka “sindromë infeksioze”, shkruan sot “Koha Ditore”. Këta pacientë janë hospitalizuar të dielën, pasi janë përballur me një reaksion teksa kanë qenë duke numëruar zarfet me vota të ardhura nga Serbia në Kosovë.

“Dyshime” për rezultatet e këtyre analizave në mënyrë të tërthortë ka shprehur Prokuroria Themelore në Prishtinë, të cilët të martën kanë deklaruar se analizat do të dërgohen edhe jashtë vendit për të parë rezultatin.

Pas rezultateve të analizave, të cilat janë bërë publike pas 48 orëve, ushtruesja e detyrës së drejtoreshës së kësaj klinike, Linda Ajazaj-Berisha, tha se rezultatet e analizave nuk kanë treguar ndonjë sëmundje infektive.

(Artikullin e plotë mund ta lexoi sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme