Holanda s’tërhiqet nga “JO-ja” për Shqipërinë, kërkon plotësim kushtesh para negociatave Foto: AFP

Holanda s’tërhiqet nga “JO-ja” për Shqipërinë, kërkon plotësim kushtesh para negociatave

29 September 2019 10:51

“Parlamenti holandez nuk do të ndryshojë qëndrim për bllokimin e negociatave për anëtarësimin e Shqipërisë në BE”. Kështu shkruajnë mediet holandeze, pas vendimit të Bundestagut gjerman për t’i hapur dritën jeshile anëtarësimit të Shqipërisë në Bashkimin Evropian, vendim që pritet të vuloset më 17/18 tetor nga Këshilli Evropian.

Lajmin se Holanda do t’i thotë “JO” integrimit të Shqipërisë e ka konfirmuar edhe ministri i Jashtëm holandez, Stef Blok. Ky i fundit ka deklaruar gjatë një takimi të Komisionit Parlamentar për Punë të Përgjithshme se “nuk ka asnjë indikacion se diçka ka ndryshuar”, duke shtuar se “negociatat me Shqipërinë do të hapen, pasi të jenë përmbushur pesë kushtet e vendosura nga Këshilli Evropian në vitin 2018”, shkruan BalkanWeb.

Më tej, media holandeze shkruan se “Muajin tjetër, Këshilli Evropian pritet të vendosë për hapjen e negociatave të pranimit me Shqipërinë dhe Maqedoninë e Veriut. Ky vendim duhet të jetë unanimisht. Me veton holandeze ende të vendosur, nuk ka gjasa që të hapen negociatat me Shqipërinë, ndërsa perspektivat për Maqedoninë e Veriut duken më shpresëdhënëse”.

Ndër të tjera, në shkrim thuhet se “Javën tjetër, kryetari i Këshillit të Lartë të Prokurorisë, Gent Ibrahimi, do të udhëtojë drejt Holandës, për të marrë pjesë në një diskutim publik lidhur me sundimin e ligjit në Shqipëri dhe Maqedoninë e Veriut”.

Komentet

Baca30/09/2019 14:06

Keta racista te Evropes......ketyre e gjithe bota ju ka pa sherin me interesat e tyre ekonomike neper bote. E kan shkateruar tere boten me kolonite e tyre ndersa tani na bejn ligjin. Si ka mundesi te ja hapin dyert nje shteti gjenocial si Serbia! E dini juve.....qe vetem pse mafia shqiptare e ka marre furnizimin e tregut te droges ne Holand eshte e tera kjo pengese per Shqiperin dhe Kosoven per integrime Evropiane. E dini juve qe tani pesha e mafis holandeze ka ra dukshem dhe i gjithe presioni eshte drejtuar tek politikanet e flliqte holandez me lidhje te drejperdrejta me mafine. Kjo eshte puna dhe asgje tjeter,.....

Shto koment

Të ngjashme