Vuçiq nga foltorja e OKB-së me formulën “Zgjidhje e përhershme, që asnjëra palë të mos fitojë gjithçka”

Vuçiq nga foltorja e OKB-së me formulën “Zgjidhje e përhershme, që asnjëra palë të mos fitojë gjithçka”

27 September 2019 09:07

Për “problemin e Kosovës” nevojitet një zgjidhje e përhershme, e cila të arrihet në atë mënyrë që asnjëra palë të mos fitojë gjithçka, por mjaftueshëm. Me këto fjalë, iu drejtua presidenti serb Aleksandar Vuçiq, Asamblesë së Përgjithshme të Kombeve të Bashkuara në New York.

“Kemi filluar të luftojmë për një zgjidhje të përhershme dhe presim që bota t’i kuptojë qëndrimet dhe argumentet tona e të mos e mbështesë palën e kundërt, siç ka bërë nga viti 1999 deri në 2008. Arritja e marrëveshjes me Kosovën, për normalizimin e marrëdhënieve, është e rëndësishme për stabilitetin e të gjithë rajonit të Ballkanit”- tha Vuçiq.

Vuçiq shtoi Serbia ka biseduar me Kosovën, me ndërmjetësimin e Bashkimit Europian, pavarësisht “tensioneve dhe incidenteve të shpeshta atje dhe atyre që i cilësoi si “veprimeve të njëanshme të Prishtinës”.

Kreu i shtetit serb e preku dhe çështjen e taksës së vendosur prodhimeve serbe nga ana e qeverisë kosovare nëntorin e vitit të kaluar, e cila i ka kushtuar deri tani vendit të tij 350 milionë euro. “Tarifa që vazhdon të jetë në fuqi, ka vënë në rrezik edhe jetën normale dhe dinjitetin e serbëve në Kosovë”, u shpreh ai.

Pavarësisht thirrjeve të BE-së dhe të Shteteve të Bashkuara për heqjen e taksës, autoritetet kosovare nuk kanë ndryshuar qëndrim, dhe Vuçiq në disa raste e ka theksuar se po nuk u rrëzuan tarifat polemizuese, nuk do të ketë rikthim në tryezën e negociatave.

Komentet

kiki30/09/2019 14:05

Kosova e ke zgjidh problemin njeher e pergjithmon nuk e di pse je ka diskuton ket pun o shkavell

Shto koment

Të ngjashme