Arbëri

Osmani kërkon drejtësi në 21 vjetorin e vrasjes së kolonel Ahmet Krasniqit

Osmani kërkon drejtësi në 21 vjetorin e vrasjes së kolonel Ahmet Krasniqit

Me rastin e 21 vjetorit të vrasjes së kolonel Ahmet Krasniqit, nënkryetarja e Lidhjes Demokratike të Kosovës (LDK), Vjosa Osmani, e shoqëruar nga bashkëluftëtarë të kolonelit, ka kërkuar të shtunën drejtësi për zbardhjen e kësaj vrasje.

“Edhe sot pas 21 vitesh kërkojmë të zbardhet vrasja e kolonel Krasniqit, jo vetëm për faktin se mbetet plagë e hapur për familjen e kolonelit, por për shkak se është plagë e hapur për të gjithë ne dhe për shtetin e Kosovës. Asnjëherë nuk kërkojmë hakmarrje, por gjithmonë jemi në kërkim të drejtësisë”, tha Osmani.