Nga foltorja e Kuvendit, deputeti Ditmir Bushati, ngriti shqetësimin për situatën në të cilën po kalon Shqipëria.

Bushati bëri thirrje për dakordësi për të përcaktuar qëllimet e shtetit për shumë vite më tej, përcjell KTV.

"Po përjetojmë krizë vlerash, jo nga mungesa e të mirave, por nga mpirja që sjell mungesa e shpresës. Vjen nga grykësia dhe pafytyrësia dhe paaftësia për të ndërtuar një sistem vlerash", theksoi ai.

Bushati tha se Shqipëria është vendi i fundit në Evropë, ku diaspora nuk ka të drejtën për të votuar.

Menjëherë pas tij e ka marrë fjalën Taulant Balla, i cili kritikave të Bushati t, i dha përgjigje pa ia përmendur emrin kur tha se “për pesimistët u them se ne do t’i hapim negociatat”.

Po ashtu, Balla tha se reforma zgjedhore duhet bërë me opozitën, e cila e ka vendin në komision.