LDK-ja mblidhet pas ofertës së Kurtit

Osmani: Oferta e Kurtit e shpien garën ndërmjet nesh, kurse ne jemi në garë me PAN-in

30 August 2019 17:13
17:50

Kandidatja e LDK-së për kryeministre, Vjosa Osmani, ka thënë se oferta e Albin Kurtit dhe e Vetëvendosjes e orienton garën në mes të këtyre duy subjekteve, teksa ka folur pas mbledhjes që kjo parti ka mbajtur për ta shqyrtuar ofertën e Kurtit.

“Ne si LDK kemi vlerësuar gjithë punën dhe angazhimin në mirëbesim që e kemi bërë për arritjen e një koalicioni me Lëvizjen Vetëvendosje, dhe duam sërish edhe sot që t’i bëjmë ofertë atyre për bashkëpunim të sinqertë, për bashkëpunim në mirëbesim e jo bashkëpunim në garë”, ka thënë Osmani.

Lexo edhe: Osmani: Oferta e Kurtit e shpien garën ndërmjet nesh, kurse ne jemi në garë me PAN-in

“Ajo që është propozuar sot nga VV-ja e shpie garën ndërmjet nesh, kurse ne jemi në garë me PAN-in. I ftojmë edhe njëherë ta rimendojnë këtë ofertë tonën deri sonte kur edhe mbyllet afati për lidhjen e koalicioneve, sepse raportet tona duhet të ndërtohen duke i besuar njëri-tjetrit, e jo duke e luftuar njëri-tjetrit”, ka thënë ajo.

Osmani ka thënë se “nuk mund ta shpiejnë garën në mes saj dhe Albin Kurtit, apo në mes të aktivistëve e simpatizantëve të LDK-së dhe atyre të VV-së.

“Kemi tejkaluar gjithçka deri tani, ndryshimet programore, ideologjike, edhe çështje të tjera që kanë të bëjnë me pozicionet qoftë në listë qoftë në Ministri. Prandaj i ftojmë që sinqerisht ta rimendojnë pozicionin e tyre”, ka thënë Osmani.

Ajo ka thënë se lista e propozuar nga Vetëvendosje është e pa krye dhe pa orientim.

Ajo tutje ka shtuar se janë të gatshëm t’i tejkalojnë dallimet por që të vazhdojnë me propozimin që kandidati për kryeministër të jetë nga radhët e LDK-së.

"Përgjigjen e kemi dhënë të qartë, ne shpresojmë që LVV do ta rimendojë qasjen e vet dhe ta pranojë ofertën tonë që të jemi në koalicion të përbashkët me kandidate të LDK , sepse një listë siç u tha sot që është pa krye është edhe pa orientim. Qytetarët e Kosovës duhet ta dinë se për çka po votojnë dhe një gjë e tillë është e mundur vetëm nëse lista e përbashkët ka kandidat të qartë për kryeministër. Çdo qasje tjetër e shndërron tërë garën në këtë proces zgjedhor në garë të brendshme dhe siç e thash lufta jonë, gara është me partitë që e kanë kapur shtetin dhe ne nuk duhet këtyre partive që e kanë kapur shtetin tua mundësojmë një situatë ku krijojmë luftë apo garë mes aktivistëve tanë. Përkundrazi kërkojmë bashkëpunim të sinqertë, ne kërkojmë që të kemi bashkëpunim që të kemi bashkëpunim në mirëbesim dhe jo të bëjmë luftë me njëri tjetrin dhe kjo është e qartë që në një situatë të tillë jemi të gatshëm të tejkalojmë dallimet por të vazhdojmë me propozimin tonë që të kemi kandidaten për kryeministre nga radhët e LDK-së", tha ajo.

E pyetur për mundësinë që partitë tjera të lidhin koalicione në minutat e fundit ajo tha se ato e kanë humbur besimin e qytetarëve.

"Pavarësisht se çka bëjnë partitë e tjera ne serish do të fitojmë. Ata nuk e kanë besimin e qytetarëve qoftë të ndarë, qoftë të bashkuar, qytetarët janë bindur pas 20 vitesh që ata ti qojnë në opozitë dhe atë për kohë te gjatë", tha Osmani.

17:13

LDK-ja mblidhet pas ofertës së Kurtit

Lidhja Demokratike e Kosovës është mbledhur pas ofertës së liderit të Lëvizjes Vetëvendosje, Albin Kurti.

Sot gjatë ditës, në një letër drejtuar të parit të LDK-së, Isa Mustafa, Kurti ka propozuar që të dyja partitë të garojnë me një listë të përbashkët.

Propozimi i tij ka qenë që të dyja partitë të shkojnë bashkë në zgjedhje, të garojnë pa kandidat të paradhënë e të njëanshëm për kryeministër duke propozuar që posti i kryeministrit t’i takojë atij që fiton më së shumti vota.

“Sot, duke pasur parasysh shansin unik për të hapur një kapitull të ri për shtetin tonë, ne propozojmë një alternativë të re për koalicion tonë. Le të garojmë me një listë të përbashkët si LDK dhe LVV, pa kandidat të paradhënë e të njëanshëm për kryeministër, por le të bëhet ajo ose ai që fiton më së shumti vota në zgjedhjet e 6 tetorit 2019. Pra, znj.Vjosa Osmani, ose, kandidati ynë i Lëvizjes VETËVENDOSJE!, varësisht cili merr më shumë vota”

Kurti ka thënë se me këtë rast ata shprehim gatishmëri për një koncesion të madh, ku sipas tij, në listën zgjedhore nr.1 të jetë Vjosa Osmani, kurse nr.2 kandidati i VV-së të cilin e vendos Këshilli i Përgjithshëm i partisë, për të cilin thotë se ende nuk e kanë mbajtur.

Lexo edhe: Kurti letër Mustafës: Të garojmë me listë të përbashkët, kush votohet më shumë bëhet kryeministër

© KOHA. Të gjitha të drejtat janë të rezervuara.

Komentet

Ekrem03/09/2019 13:15

Shumé deklaraté naive nga Vjosa,personalisht mendoj qé éshté mé miré qé gara té jeté nmes té LDK e VV qé nénkupton edhe sjellje té votave.Mendoj qé potezi i Albinit ka pér synim mé tepér sjellje votash sesa lufté pér pozitén e kryeministrit

Shto koment

Të ngjashme