“Evropa do të bashkohet vërtet kur të gjitha vendet në Ballkanin Perëndimor bëhen anëtare të Bashkimit Evropian”. Kështu ka deklaruar kancelarja gjermane Angela Merkel. Deklarata e kancelares gjermane është një tjetër konfirmim i angazhimit të Berlinit për zgjerimin e BE-së, por një ide jo e mirë midis disa anëtarëve të BE-së dhe shumë votuesve në Evropën Perëndimore, raporton Politico.eu.
Merkel foli në Hungari me rastin e 30-vjetorit të të ashtuquajturit “pikniku pan-evropian” – një ngjarje simbolike që çoi në eksodin masiv të banorëve të Gjermanisë Lindore në Perëndim, rënien përfundimtare të Perdes së Hekurt dhe afrimin e Evropës Perëndimore dhe Lindore, transmetojnë mediat.
Sidoqoftë, kancelarja Merkel theksoi se uniteti evropian nuk do të përfundojë derisa i gjithë Ballkani Perëndimor të anëtarësohet në Bashkimin Evropian.
“Nëse i shikoni gjërat gjeostrategjike dhe gjithashtu shikoni hartën, do të shihni se Evropa do të bashkohet vërtet me vendet e Ballkanit Perëndimor”, u tha Merkel gazetarëve në qytetin hungarez Sopron.
-
Baerbock: Anëtarësimi i Ballkanit Perëndimor në BE, “domosdoshmëri gjeopolitike”
-
Scholz: Nuk është e sigurt se do të mbahet Samiti i Ballkanit Perëndimor me BE-në
-
Auf Wiedersehen: Merkeli në samitin e saj të fundit (mbase) të BE-së
- Politika e kancelares Merkel ndaj Ballkanit ka një emër: pasivitet ndaj Kosovës, përkëdhelje ndaj Serbisë
-
Vizita e Merkelit shihet si mbështetje për bashkëpunim rajonal brenda agjendës evropiane