Për 10 vjet u fiskalizuan vetëm 40 për qind e bizneseve Foto: Driton Paçarada / Koha / ilustrim

Për 10 vjet u fiskalizuan vetëm 40 për qind e bizneseve

Sanie Jusufi Sanie Jusufi 22 July 2019 06:30

Mbi 37 mijë e 400 biznese vazhdojnë t’i ikin tatimit të shtetit. Rreth 10 vjet pas fillimit të procesit të fiskalizimit që i obligon bizneset që të pajisen me arka fiskale, ato nuk e kanë bërë një gjë të tillë.

Nga 63 mijë e 25 biznese të cilat ushtrojnë aktivitete biznesore, deri më tani janë fiskalizuar vetëm 23.271 apo 40 për qind e bizneseve, shkruan sot “Koha Ditore”.

Të dhënat zyrtare tregojnë se shkalla e informalitetit është rreth 30 për qind e bruto produktit vendor, që përkthyer në shifra i bie diku rreth 1.8 miliardë euro në vit.

Për t’iu shmangur nivelit të lartë të ekonomisë joformale, Administrata Tatimore filloi procesin e vendosjes së arkave fiskale, përmes së cilit përmes arkave fiskale do të regjistroheshin të gjitha hyrjet dhe shitjet në dyqan.

Por ky proces u zvarrit për vite të tëra, pasi bizneset hezitonin që të pajisen me arka fiskale. Në kundërshtim të madh hasi nga naftëtarët, që llogariten si biznese me qarkullim të madh, e të cilat ende nuk janë fiskalizuar në tërësi.

(Artikullin e plotë mund ta lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme