Arbëri

Kosova, deponi veturash që përhapin helm

Foto: Driton Paçarada / Koha / ilustrim
 

Pasi Mërgim Xh. shkel mbi padalën e gazit, një shtëllungë tymi ia mbërthen thuajse tërë veturën e tij, të ndalur në një cep të rrugës nga Fushë-Kosova për në Prishtinë. Kur makina nis të lëvizë, tymi shpërndahet, humb në dendësi dhe bëhet më pak i vërejtshim.

Mërgimi është rreth të 20-ave. Me veturën më të vjetër se vetë ai, më shumë se dhjetë herë hyn secilën ditë në Prishtinë. Punon “Njësh”, kod ky për taksinë në relacionin Prishtinë-Fushë Kosovë. Është punë që ai dhe shumë të tjerë e bëjnë ilegalisht.