Arbëri

Clinton dhe Albright, krenarë me vendimin për ta çliruar Kosovën nga Serbia

 

“Natën që filluan bombardimet, më thirri në mes të natës dhe më tha: Madeleine, aeroplanët janë nisur. Po bëjmë gjënë e duhur. Dhe i thashë: Po, z. President, po bëjmë gjënë e duhur”, ka thënë në Prishtinë, Madeleine Albright.

Momente të tilla të para njëzetë vjetëve, i kanë sjellë para shumë kosovarëve, ish-sekretarja e Shtetit Madeleine Albright, e gjithashtu edhe ish-presidenti Bill Clinton.

Clinton e Albright, ishin dy prej miqve të Kosovës që morën pjesë në tubimin qendror për shënimin e 20-vjetorit të hyrjes së trupave të NATO-s në Kosovë.