Kusari-Lila: Dikush e shtyri Brovinën ta bënte këtë gabim, sonte viktimat u dhunuan edhe një herë Foto: Koha

Kusari-Lila: Dikush e shtyri Brovinën ta bënte këtë gabim, sonte viktimat u dhunuan edhe një herë

16 May 2019 22:41

Kryetarja e Partisë Alternativa, Mimoza Kusari, ka reaguar pas dyshimeve se fotografitë e publikuara sot nga deputetja Flora Brovina, janë të pavërteta.

Ajo në një postim në Facebook ka shkruar se sonte humbëse është e tërë Kosova e sipas saj edhe deputetja Flora Brovina.

Ajo thotë se deputetja Brovina u nxit nga mendimi i dikujt në parti që të bëjë këtë gabim e që duhet muaj e vite që të përmirësohet, duke vënë në dyshim nëse një gjë e tillë është e ndreqshme, transmeton Koha.net.

“Ajo sot tregoi se për kundër bindjeve dhe punës së saj, prapë se prapë mendimi i dikujt në parti e shtyen të bëjë këtë gabim që do të duhet muaj dhe vite të tëra të ndreqen (nëse mund të ndreqet).Viktimat u dhunuan edhe një herë, të gjitha me radhë, në shtetin që ka humbur ndjesinë për drejtësinë”, ka shkruar ajo.

Kusari-Lila thotë se sot viktimë është e tërë Kosova, se sot Kuvendi synon të bëhet prokurorë dhe gjyqtarë në sistemin ku kemi rend dhe ligj dhe asgjë nuk u bë për 20 vite, por me rezolutë mundohet të fillohet dënimi i krimeve të luftës në Kosovë.

“Sot e njëjta parti që udhëhoqi dialogun dhe kurrë nuk ju përmendi krimet në dialog atyre që i kryen, ju hodhi në fytyrë pamjet e tmerrshme të dhunimit makabër popullit të Kosovës, thuajse ata duhet të vuajnë ende. Sot nuk u viktimizuan vetëm viktimat edhe një herë, sot viktimë u bë e tërë Kosova duke e kuptuar prapë sa poshtë kemi ra dhe sa i ulët është niveli i komunikimit dhe garës politike në Kosovë.
Sot viktimë është e tërë Kosova”, ka shkruar ajo.

© KOHA. Të gjitha të drejtat janë të rezervuara.

Komentet

Mogheraqka28/05/2019 15:56

Boll budallë janë kan ata që gjuajshin lotsjellës veq kjo ja ka kalue atyne ahmakave tjerë aty në kotecin e parlamentit të Kosovës

Mogheraqka29/05/2019 10:04

Boll budallë janë kan ata që gjuajshin lotsjellës veq kjo ja ka kalue atyne ahmakave tjerë aty në kotecin e parlamentit të Kosovës

Kemi17/05/2019 10:27

Zonja Kusari keni shum të drejt për vërejtjet që keni bërë në kët shkrim.Unë habitem se si nuk logjikojn këta njerz se gjithçka që publikohet në Media përhapet në mbar Botën dhe nuk ka kthim mbrapa.Unë e kam thënë dhe po e përsëris se 70% e Deputetve nuk meritojn me qenë në Parlament.Gjesti i Zonjës Brovina e ka fundos mbar Parlamentin e Kosovës,qysh të doni analizone por nuk përmirsohen këto gjeste.

Shto koment

Të ngjashme