Kronika e vdekjes në rrënojat e punës ilegale Foto: Koha

Kronika e vdekjes në rrënojat e punës ilegale

Saranda Ramaj Saranda Ramaj 24 April 2019 06:30

Pa kontratë pune, pa mjete mbrojtëse në punë e me pagesë ditore prej 10 eurosh, 28-vjeçari Visar Behrami, që gjeti vdekjen nën rrënojat e ish-hotelit “Adriatik”, tash e një kohë punonte për një kompani që nuk ekzistonte ligjërisht. Behrami, i cili i ka takuar kategorisë së mesme ekonomike, ka punuar në ndërtimtari sa herë kjo “kompani” ka marrë ndonjë punë.

A.H kishte planifikuar të merrte me qira një pjesë të këtij ish-hoteli në mënyrë që ta shndërronte në një sallë dasmash. Për këtë ka angazhuar një kompani që nuk ka biznes të regjistruar. Megjithatë, sipas burimeve të gazetës, “shefi” i kësaj kompanie është Q.H. Rrënimi i një pjese të hotelit është bërë pa marrë leje fare në Komunën e Mitrovicës, shkruan sot “Koha Ditore”.

Një nga punëtorët që pati filluar rrënimin e një pjese të ndërtesës është 28-vjeçari Visar Behrami nga fshati Vidimiriq. Sipas familjarëve e hetuesisë Behrami ishte duke punuar me hillt, kur një pjesë e ndërtesës është shembur. Bashkë me të ishin edhe tre punëtorë të tjerë, por që kanë arritur të shpëtojnë nga pjesa e objektit të shembur. Behrami, i cili ka mbetur nën gërmadha për disa orë, është varrosur të martën në fshatin e tij.

Gazeta gjatë ditës ka qëndruar në Mitrovicë. Objekti i ish-hotel “Adriatikut” ishte i rrethuar vetëm nga hyrja kryesore me shiritin e verdhë të Policisë. Në hyrjen kryesore një burrë rreth të pesëdhjetave ruante hyrjen. Nuk lejonte asnjë njeri të futej brenda oborrit.

(Artikullin e plotë mund ta lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme