Arbëri

Ekipi negociator nuk ka plan konkret për trajtimin e viktimave të dhunës seksuale

Ekipi negociator nuk ka plan konkret për trajtimin e viktimave të dhunës seksuale
 

Për 20 vjet me radhë, përveç se nuk u përmenden as në bisedimet me palën serbe, viktimat e dhunës seksuale gjatë luftës, nuk u njohën as edhe nga vet shteti. Me vite të tëra, u zvarrit edhe procesi i njohjes ligjore e publike i tyre. Hiç më seriozisht nuk po trajtohen edhe pas tërë këtyre viteve, kur po thuhet se viktimat e dhunës seksuale do të jenë pjesë e platformës së dialogut me Serbinë.

Ndonëse, edhe si tematikë u përfshi e fundit në platformën e dialogun me Serbinë, ekipi negociator nuk ja ka idenë ende se çfarë mekanizmi do të trajtojë çështjen e viktimave të dhunës seksuale. Të paktën, kështu po thonë deputetë të opozitës.