U dënua me 7 vjet burgim për ngjarjet e prillit, deklarohet Abdulfeta Alimi

U dënua me 7 vjet burgim për ngjarjet e prillit, deklarohet Abdulfeta Alimi

15 March 2019 15:11

Abdulfeta Alimi, i cili sot u shpall fajtor për ngjarjet e përgjakshme të 27 prillit, ka deklaruar se nuk ka në plan që të arratiset dhe ka kërkuar nga gjykatësi që ta marrin për deklaratë serioze.

“Ju premtoj se në asnjë moment nuk më shkon ndërmend që të arratisem. Të ishte ashtu nuk do të isha kthyer nga Zvicra, që të lajmërohem vetë. Dëshiroj seriozisht të më kuptoni. Betohem para të gjithë publikut. Unë nuk do të jetoj 200 vite. Ju lus që deri në vendimin e Apelit të mbrohem në liri”, ka thënë Abdulfeta Alimi.

Alimi është ish-anëtar i sigurisë së Kuvendit dhe u dënua me 7 vjet burg lidhur me rastin e dhunës së 27 prillit të 2017 në Kuvend. Ai ishte personi që kishte shpëtuar kryetarin dhe deputetin e ASH, Ziadin Sela natën e përgjakshme.

Komentet

Shto koment

Të ngjashme