Blyta: Të rinjtë e sotshëm, me gjithë lirinë që kanë, përsëri nuk e njohin njëri-tjetrin kur martohen

Prof. Dr. Afrim Blyta gjatë emisionit “Talk” të KTV-së ka folur edhe për martesat. Ai ka krahasuar martesat në kohën e mëparshme me ato të tanishmet. Dr. Blyta thotë se të rinjtë e sotshëm edhe pse e kanë lirinë e daljes dhe kanë mundësi që të njohin njëri-tjetrin para martesës, përsëri nuk arrijnë që të njohin mirë njëri-tjetrin.

Dr. Blyta, po ashtu, tregoi se në Kosovë nuk ka ndonjë këshillimore për martesa.

“Të kalosh me dikë me vite të tëra nuk do të thotë ta njohësh atë, pasi tek ne nuk ka këshillimore për martesë. Kur ndodhë një krizë në familje, nuk shkojmë tek vendi adekuat për një këshillë dhe kështu nuk e kemi mbështetjen emocionale”, ka thënë Blyta.

“Ndryshimet që ndodhin në familje janë të lidhura me emancipimin e femrës dhe obligimet duhet të shpërndahen, pasi një femër intelektuale duhet të jetë një grua, një nënë, një shtëpiake dhe një nuse po ashtu. Dhe emancipimi i gruas duhet të përcillet edhe me emancipimin e burrit”, shtoi Blyta.

Gjithashtu, Dr. Blyta sqaron faktin se si të parët tanë edhe pse nuk njiheshin me njëri-tjetrin deri në ditën e martesës, megjithatë kishin martesa shumë të lumtura dhe fëmijë të edukuar dhe shumë të suksesshëm.

“Ndërsa në kohët e sotme edhe pse e kemi më të shprehur lirinë e daljes dhe të veprimit e të njoftimit me njëri-tjetrin, të rinjtë nuk po e njohin njëri-tjetrin dhe prandaj kemi martesa të dështuara dhe fëmijë të pa përgatitur për jetën”, sqaroi Dr. Blyta.

Për më shumë, shikoni në videon e më poshtë:

Sa i përket rastit me 16-vjeçaren nga Drenasi, Afrim Blyta, specialist i neuropsikiatrisë ka fajësuar më shumë udhëheqjen e shtetit.

“Në raste të tilla si ai i 16-të vjeçares, shteti nuk flet por vepron. Shumë politikanë në këtë rast nuk dinë për politikën dhe shoqërinë. Sistemi duhet të funksionojë me aftësi parandaluese. Këtu dështuan shumë sisteme, së pari familja, arsimi dhe policia - hallkat më të rëndësishme të shtetit dhe shoqërisë”, është shprehur Blyta në “Talk” të KTV-së.

“Rolin kryesor në këtë rast e ka familja sepse fëmijët nuk kanë mbikëqyrjen e duhur. Për dy vjet një 16-vjeçare nuk mund të kalonte fshehurazi dhe askush mos ta dinte. Shteti gjithashtu nuk investon në rininë dhe fëmijët që të kenë siguri”, shtoi ai.

Për më shumë, ndiqeni videon më poshtë:

Këtë javë në emisionin “Talk” i ftuar ishte Prof. ASC. Dr. Afrim Blyta, Specialist i neuropsikiatrisë, dhe tema që u diskutua ishte “Prindërimi, të udhëzosh gjeneratën e ardhshme dhe të falësh gjeneratën e kaluar”.

Një temë interesante ku u diskutuan problemet e sotme. Marrëdhëniet prindërore, roli prind-fëmijë, qëllimi, objektivat dhe misioni përfundimtar.

Vegëza e problemit është sepse në procesin prindëror, prindërit janë fontanë dëshirash. Fjala “jo” nuk ekziston dhe nuk ka kufij për fëmijën. Kështu, krijohet një personalitet i dëmtuar dhe i mangët.

Deklarata bombarduese, siç thekson Blyta, është se “100% e njerëzve të shëndetshëm janë në gjendje të bëjnë fëmijë, 98% prej tyre nuk janë në gjendje të krijojnë njerëz!”.

Se çfarë saktësisht janë këto shifra në marrëdhëniet me prindërit dhe fëmijët, kuptoni në videon më poshtë.

© KOHA. Të gjitha të drejtat janë të rezervuara.