Arbëri

Starova: E ardhmja si udhërrëfyese e përsosur drejt marrëveshjes Kosovë-Serbi

Starova: E ardhmja si udhërrëfyese e përsosur drejt marrëveshjes Kosovë-Serbi

Po bëhen rreth gjashtë muaj që debati rreth një marrëveshjeje të mundshme përfundimtare ndërmjet Kosovës dhe Serbisë vazhdon të jetë i nxehtë dhe nuk ndalet, rikujton ish-diplomati shqiptar, Dr. Arian Starova, aktualisht president i Këshillit Atlantik të Shqipërisë.

Ndërkohë, kemi parë se pjesë në rritje e këtij debati janë bërë elitat politike, ekspertë dhe njerëz të ndryshëm të mediave të Kosovës, të Serbisë të ShBA-ve dhe Europës. Në këtë debat, ku të gjitha arsyetimet e larmishme janë të natyrshme, përveç vlerësimeve të ndërsjella të palogjikshme dhe përjashtuese të një pjese të debatuesve si patriotë, tradhtarë, të shitur apo argatë të dikujt, aktori që ende nuk po përfshihet si duhet në të mbetet opinioni publik i Kosovës.