Haradinaj: Amerika nuk ka nevojë për zëdhënës në Kosovë Foto: Koha

Haradinaj: Amerika nuk ka nevojë për zëdhënës në Kosovë

14 shkurt 2019 10:32

Ka përfunduar takimi në mes krerëve të shtetit dhe Ekipit Negociator. I pari që foli pas këtij takimi, ishte kryeministri i vendit, Ramush Haradinaj, i cili tha se Amerika nuk ka nevojë për zëdhënës.

“Amerika flet vet. As unë, as presidenti nuk jemi zëdhënës të Amerikës. Ata flasin vet, dinë me folë vet”, u shpreh kryeministri.

Këto komente ai i bëri pas takimit të liderëve ku po diskutohet për dialogun dhe taksën 100% ndaj mallrave serbe.

“Kemi një dakordim për platformën e Kosovës në dialog. Tani procedurat tjera janë një konfirmim nga vetë delegacioni shtetëror, në mënyrë që të kalojë në Parlamentit”.

“Platforma është një dokument i qëndrueshëm, i parimeve por edhe i qëndrimeve që ka Kosova në dialog. Buron nga kushtetuta, i obligohet kushtetutës, mbron kushtetutën e vendit dhe unë personalisht i jep përkrahje”.

“Nëse LDK e VV nuk marrin pjesë në delegacion ata mund të japin kontributin e vet, qoftë duke e përkrahur platformën qoftë duke i dhënë komentet e veta”, tha ai.

​Kryeministri i Kosovës, Ramush Haradinaj ka deklaruar se platforma për dialogun me Serbinë, i obligohet kushtetutshmërisë dhe është një garancë.

"Amerika flet vet, as presidenti, as unë, as askush nuk është zëdhënës i Amerikës, nuk ka nevojë me folë për ta. Ata flasin vet, dinë me folë, i shpjegojnë gjërat", tha ai kur u pyet për mundësinë e prishjes së raporteve me SHBA-të dhe deklaratat e presidentit dje për këtë temë.

"Përfundimisht kemi një dakordim për platformën e Kosovës në dialog. Mendoj që platforma është një dokument i qëndrueshëm, i parimeve por edhe i qëllimeve që ka Kosova në dialog, buron nga Kushtetuta, mbron Kushtetutën e vendit dhe personalisht i japi përkrahje", tha Haradinaj.

Haradinaj pas tha se nuk kanë biseduar për taksën. Sipas tij, ajo qe ishte sot më rëndësi ishte platforma.

Komentet

Shto koment

Të ngjashme