1 perditesime
09:47

Nis protesta e infermierëve kundër Ligjit për Paga

Para Klinikës së Kirurgjisë ka nisur protesta e infermierëve kundër Ligjit për Paga, raporton KTV.

Ligji i ri për Pagat ka shkaktuar pakënaqësi edhe në sektorë të tjerë në Kosovë, me ç’rast ka pasur greva edhe në shëndetësi e arsim.

08:18

Infermierët sot protestojnë kundër Ligjit për Paga

Sot me fillim nga ora 09:00 para Klinikës së Kirurgjisë proteston një grup i infermierëve, në shenjë të pakënaqësisë me Ligjin për Paga.

“Sa më masovikisht të merrni pjesë do të ishte në të mirë të infermierisë, se sa më shumë të jemi, do të ndihmojë që kërkesa jonë të jetë sa më e fuqishme dhe më serioze. Ju njoftoj poashtu që kjo protestë përkrahet edhe nga Federata Sindikale e Shëndetësisë”, thuhet në njoftimin e infermierëve, transmeton kp. 

Kujtojmë se përveç kësaj proteste, sot në arsim shënohet dita e 14-të e grevës.

SBASHK-u ka apeluar te deputetët që të votojnë ngritjen e koeficienteve sipas kërkesave të tyre, ose në të kundërtën ta hedhin poshtë këtë ligj.