Haradinaj kërkon kohë për t’iu përgjigjur SHBA-së në lidhje me taksën Foto: Koha / ilustrim

Haradinaj kërkon kohë për t’iu përgjigjur SHBA-së në lidhje me taksën

26 January 2019 15:36

Kryeministri Ramush Haradinaj tha se nuk ndërrojnë qëndrim ndaj Serbisë dhe Rusisë derisa nuk ka njohje.

I pyetur për reagimin e djeshëm të ambasadës amerikane, kreu i Qeverisë tha se nuk ka ende një përgjigje, për këtë kërkoi pak kohë, shkruan KP.

Ndërsa për kërkesat e PSD-së për votim të buxhetit, kryeministri tha se do t'i zbatojnë ato, veçse nuk tregoi kur do të ndodh shkarkimi i ministrit të Bujqësisë.

Ambasada amerikane në Kosovë përmes një komunikate për media kanë bërë përsëri thirrje që taksa 100% ndaj produkteve serbe dhe boshnjake të tërhiqet, pasi sipas tyre ky veprim është i kundërt me interesat e SHBA-së.

SHBA Haradinajt: Hiqe taksën ose përballu me pasojat

“Sikurse ka treguar edhe historia e re, Kosova është e suksesshme kur bashkohet nga brenda dhe hyn në partneritet me Shtetet e Bashkuara dhe BE-në. Ne inkurajojmë të gjitha partitë politike që të kontribuojnë në mënyrë konstruktive në këtë proces. Veprimet që minojnë Dialogun, pengesat nga anash, dhe refuzimi për të pezulluar tarifat – gjitha këto shkojnë kundër interesave të SHBA-ve. Ajo çka është e nevojshme tani është një lidership i guximshëm për të promovuar qëllimet tona të përbashkëta. Kjo është ajo që na ndihmon neve për të mbajtur një marrëdhënie të fortë bilaterale”, theksohet në deklaratë.

Komentet

Shto koment

Të ngjashme